Душанбе, 7-уми апрели соли 2026
7-уми апрели соли 2026 дар дафтари асосии Маркази миллии тестии назди Президенти Ҷумҳурии Тоҷикистон вохӯрии роҳбарият ва кормандони Марказ бо намояндагони Агентии назорати давлатии молиявӣ ва мубориза бо коррупсияи Ҷумҳурии Тоҷикистон баргузор гардид.
Дар вохӯри муовини якуми директори Марказ Шодиниё Абдулбосит Шодӣ, нозири калони раёсати муқовимат бо коррупсияи Агентии назорати давлатии молиявӣ ва мубориза бо коррупсияи Ҷумҳурии Тоҷикистон Абдуллозода Одил Толиб, нозири ҳамин раёсат Ҳусейнзода Файзиддин, кормандони дафтари асосии Марказ ва бахшҳои минтақавии Марказ дар шаҳру ноҳияҳои ҷумҳурӣ ба таври маҷозӣ иштирок доштанд.
Дар оғоз муовини якуми директори Марказ Шодиниё А. Ш. дар робита ба амалҳои коррупсионӣ, ҳамчун кирдори номатлуб суханронӣ карда, таъкид намуд, ки имрӯзҳо коррупсия мавзуи доғи рӯз гардидааст ва ин падида ба барҳам задани бовари ҷомеа ва аҳолӣ ба ниҳодҳои давлатӣ, ва халалдор шудани низоми қонунӣ дар давлатҳо сабаб мешавад.
Барои пешгирӣ ва коҳиш додани сабабу шароитҳое, ки ба кирдорҳои коррупсионӣ мусоидат мекунад, роҳбарият ва кормандони Марказ вобаста ба ин масъала дар рафти корҳои тарғиботиву иттилоърасонӣ миёни хатмкунандагон, падару модарон ва омӯзгорони муассисаҳои таълимии таҳсилоти миёнаи умумии кишвар маърузаҳо ва таъкидҳои махсус менамоянд.
Мубориза бо коррупсия кори як ниҳод набуда, барои пешгирӣ аз ин падидаи хатарноку нангин бояд мо дар якҷоягӣ фаъолият намуда, баҳри коҳиш додани он саҳмгузор бошем, – қайд кард Шодиниё А. Ш.
Сипас нозири калони раёсати муқовимат бо коррупсияи Агентии назорати давлатии молиявӣ ва мубориза бо коррупсияи Ҷумҳурии Тоҷикистон Аабдуллозода О. Т. оид ба татбиқи “Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030”, санадҳои меъёрии ҳуқуқии дигари танзимкунандаи соҳа суханронӣ карда, қайд намуд, ки Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар асоси банди 4 фармони Президенти Ҷумҳурии Тоҷикистон аз 3 августи соли 2021, № 222 мониторинги маҷмуии ҷараёни иҷрои Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030 ва Нақшаи чорабиниҳои амалисозии онро барои марҳилаи якум (солҳои 2021-2025) анҷом дод.
Мониторинг дар заминаи санҷишу таҳлилҳои Агентӣ, маълумотҳои пешниҳоднамудаи мақомоти марказӣ, худидоракунии шаҳрак ва деҳот, ташкилоту муассисаҳо ва мақомоти дигари давлатӣ гузаронида шуда, дар ҷараёни арзёбӣ ҷузъиётҳо оид ба андозаи коҳиш ёфтани шиддати коррупсия, иштироки фаъоли ҷомеаи шаҳрвандӣ, иттиҳодияҳои ҷамъиятӣ ва бахши хусусӣ дар раванди муқовимат ба коррупсия, ба вуҷуд овардани фазои оштинопазирӣ ба коррупсия ва ташаккули ҷаҳонбинии зиддикоррупсионӣ дар ҷомеа, баланд бардоштани маърифати ҳуқуқии шаҳрвандон ва дигар масъалаҳои афзалиятнок мавриди баҳогузорӣ қарор гирифтанд.
Дар анҷом муовини якуми директори Марказ Шодиниё Абдулбосит барои ҳамкориҳои судманду саривақтӣ ба намояндаи Агентии назорати давлатии молиявӣ ва мубориза бо коррупсияи Ҷумҳурии Тоҷикистон изҳори миннатдорӣ намуд.
