Нашр шуд: 04 Июли 2019

Диданд: 1378

Душанбе, 4-уми июли соли 2019

Имрӯз бо мақсади шиносоӣ бо вазъи марказҳои имтиҳонӣ ва рафти баргузории имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии ҷумҳурӣ дар соли 2019 як гурӯҳи иборат аз ҳайати роҳбарияти мақомоти соҳаи маорифи кишвар ба якчанд маркази имтиҳонии воқеъ дар муассисаҳои таълимии таҳсилоти умумии шаҳри Душанбе омаданд.Ба ин ҳайат сардори раёсати илм ва маърифати Дастгоҳи иҷроияи Президенти Ҷумҳурии Тоҷикистон Абдулхолиқзода Лутфия Абдухолиқ, сармутахассиси ин раёсат Насимов Нуридин Исоевич, муовини вазири маориф ва илми Ҷумҳурии Тоҷикистон Давлатзода Сайфиддин, сардори сарраёсати маорифи шаҳри Душанбе Азизӣ Маҳмадали Нуралӣ ва мудири шуъбаи маорифи ноҳияи Исмоили Сомонӣ Одилбекова Лола Қиёбековна дохил буданд.

Нашр шуд: 04 Июли 2019

Диданд: 1895

Душанбе, 4-уми июли соли 2019

Ба таваҷҷуҳи довталабоне, ки дар даври асосии имтиҳонҳои марказонидаи дохилшавӣ – қисми А (имтиҳони умумӣ) ва (ё) қисми Б (имтиҳони ихтисос) ва (ё) қисми АБ-9 (имтиҳони умумию ихтисос) иштирок карда натавонистаанд, расонида мешавад, ки даври иловагии имтиҳонҳо барои чунин довталабон рӯзҳои 18-ум ва 19-уми июл мегузарад.

Нашр шуд: 01 Июли 2019

Диданд: 1655

Душанбе, 1-уми июли соли 2019

Имрӯз барои довталабони гурӯҳи ихтисосҳои 1-ум (табиӣ ва техникӣ) имтиҳони умумӣ – қисми А, ки супоридани он барои ҳамаи довталабон, новобаста аз ихтисосҳои интихобкардаашон, ҳатмӣ аст, оғоз гардид. Қисми А аз се субтест (забони тоҷикӣ; математика; таърихи халқи тоҷик ва асосҳои давлат ва ҳуқуқ) иборат аст. Дар ин қисми имтиҳон довталаб субтести забони тоҷикиро ҳатман бо забони тоҷикӣ ва субтестҳои дигарро, вобаста аз забони имтиҳонсупорӣ, ки ҳангоми бақайдгирӣ интихоб кардааст, бо забони тоҷикӣ ё русӣ месупорад. Барои ҷавоб додан ба саволҳо ва ҳалли масъалаҳои се субтести қисми А 180 дақиқа муқаррар шудааст.

Нашр шуд: 30 Июни 2019

Диданд: 1377

шаҳри Душанбе, 30-юми июни соли 2019

Ба таваҷҷуҳи довталабоне, ки ба гурӯҳҳои шахсони соҳибимтиёз дар имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбӣ дохиланду то ҳол дар ин бора ҳуҷҷати тасдиқкунандаро пешниҳод накардаанд, расонида мешавад, ки муҳлати пешниҳоди чунин ҳуҷҷатҳо то 20-уми июл муқаррар гардидааст. Таъкид мекунем, ки пас аз оғоз шудани корҳо барои эълони натиҷаҳо баъд аз 20‑уми июл ворид кардани ҳар тағйироте ба маълумоти бақайдгирии довталаб метавонад боиси халалдор шудани баъзе аз равандҳои дигари имтиҳонҳо гардад. Бинобар ин, агар довталаб ба яке аз гурӯҳҳои шахсони дорои ҳуқуқ ба гирифтани имтиёз дохил бошад ё бинобар ба миён омадани ҳолати муайян баъд аз бақайдгирӣ ба чунин гурӯҳ дохил шуда бошад, барои гирифтани имтиёз ҳуҷҷатҳои тасдиқкунандаро бояд на дертар аз 20-уми июл пешниҳод намояд.